Amando López Cabanas e Manuela López Parga

Igrexa de Santa María de Sada D'Arriba, 1963

Da Coruña viña Amando a bailar ao Moderno ou á Terraza e aí coñezeu a Pachita, que é como a coñecemos todos en Sada. Naquel tempo, a nosa vila era un fervedeiro de mozas e mozos que viñan de todas as parroquias, tamén de Ferrol, Ares, Mugardos, Redes, Betanzos e, por suposto, da Coruña. De todos estes sitios, moitos casaron aquí, como lle pasou ao noso noivo.
Pachita e Amando casaron en Sada D'Arriba o 18 de novembro de 1963. Casounos D. Juan Villanueva e os padriños foron Roberto López e María Cabanas. A festa foi unha das poucas que se celebrou no Salón Moderno, servida polo Miramar, pois alí non había cociñas. Pasado o tempo tiveron tres fillos, Amando, Begoña e Roberto, e tres estupendos netos, hoxe xa case mozos: Ismael, Isaac e Álvaro. Pachita e Amando seguen vivindo na estrada de Fontán.