Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.
Sada, 1958
Cando chegamos á leira pasou o fotógrafo Paquín e quitounos esta foto, iamos coller as patacas. Casi toda a xente do mar traballaba a terra e así axudar un pouco máis no fogar. De feito, o noso labrador (mariñeiro) era un veciño dos máis coñecido e querido en Sada, estou falando de Marcial Agra ou da Braña, como queiran chamarlle. El é o da vara, arrimada os bois, súa dona Maruja, o neno Miro, Gloria e Modesta. Abaixo Maruja, Mercedes, Pepita e a filla do Inglés.