A través destas fotos coñecemos como foi cambiando Sada co paso do tempo: rúas, prazas e outros lugares que quedaron conxelados no tempo.
Rúa do Río, da Lagoa e Sada D'Area, 1963
Este retrato fíxollo Mariucha a María José Agruña (Jose) e á súa amiga, que ían para a Coruña, no cruce exacto das rúas do Río, que remata onde están elas, da Lagoa e Sada D'Area. As mulleres que teñen esa conversación tan interesante alá no fondo son Manola de Consuelito e Maruja de Lopes. Unha viña do lavadoiro e a outra ía para el. A casa é a da Ama, hoxe Bar Río.