Rúas e prazas

A través destas fotos coñecemos como foi cambiando Sada co paso do tempo: rúas, prazas e outros lugares que quedaron conxelados no tempo.

Podes organizar as fotos por
envíanos información da foto

Lolo Monzo e Baby Meirama, paseando polo muelle

Rúa da Mariña, 1957

Antes as rúas principais de Sada eran, e seguen sendo, a Maior, o Pedregal e a Mariña onde, como non había coches, podías acabar mareada de andar paseando da Barrosa ata a ponte do río Maior e viceversa. Non tíñamos outro sitio! Neste precioso retrato, tomado máis ou menos por frente da (antes) casa de Pancho de Cheche (onde hoxe un Banco), camiñan Manolo, Lolo, ou O'Roxo, como queirades chamarlle, e un pequeniño Baby, que se sinte seguro con da man do seu tío e padriño. No fondo, unha parella fala no medio da rúa do máis tranquilos, son matrimonio ela, Manola filla do Cabo de Mar e seu marido Pepe da Guela. E alá arriba, a Igrexa mira o mar con todo a fronte despexada. Co recordo dos dous no corazón, deixamos a Manolo e Baby paseando na Mariña, un percorrido que, de seguro, fixeron moitas veces antes de marchar demasiado pronto os dous.

Máis imaxes

Memoria de Sada contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).