Festas e lecer
As festas de agosto, a sardiñada, o baile na Terraza ou o globo era o tempo de esparcemento en Sada. Aquí recóllense todos eses momentos que deixaba o traballo para o lecer: merendas, troula, bailes e outras festas.
Mariscada na casa de Lola Parga.
Estes amigos reuníronse a pasar un bo momento desfrutando dunha mexilloada collida nas pedras da nosa ría. Creo non equivocarme: todos eran mariñeiros, agás dous. De pé (de esquerda a dereita): José do Roxo, Gucho Rodríguez, Andrés Monzo, Juan Villar, Juan de Cristobo e un cachiño de Fafián. Sentados: José O'Che, Pepe O'Moreno, Antonio de Ventureira, Manuel Monzo O'Roxo, Paco de Lopes e, diante, Antonio Somorrostro.
Algúns deles xa non están. Agardo que os que vexan esta foto sorrían lembrando ese día na horta de Lola Parga, unha das mulleres máis simpáticas que coñecín. A súa casa e das poucas que aínda se conserva case como era daquela. Está subindo a costa, á esquerda do cruceiro da Igrexa de Sada D'Arriba, bastante máis conservada que estes últimos dous patrimonios do povo mencionados.
Máis imaxes
