Xente

A través dos retratos coñecemos o noso pasado. As fotografías sempre foron para gardar un momento no recordo, e aquí recóllense esas fotografías un pouco máis persoais dos nosos/as devanceiros/as.

Xente de Sada na praia de Cabanas (Pontedeume)

Xente de Sada na praia de Cabanas (Pontedeume)

Cabanas (Pontedeume), 1953

Antes, como aínda fan agora, os patróns dos barcos invitaban os amigos a ir por mar a comer, como se dicía, "á outra banda". Despois de cruzar o mar, chegamos a Cabanas era o dia da Festa das Peras en Pontedeume. Na foto vese o momento do almorzo. Logo virían o baño, a comida e así ata a noite. Desta volta levounos Guillermo, que mandaba 'O Parrulo'. Formaban a pandilla, empezando pola esquerda e arriba: Miro de Rita de Galán; Manolito de Modesto e Juan de Clara. Abaixo están Mercedes, a carón do seu home, Guillermo 'O Caracol'; Ramiro da Perreja; Loló de Carballido; Rosa de José Antonio; Tita de Modesta; Chichi (americana); Gelita, muller de Manolito e nai dos donos do Moby Dick. O neno de pé é Nené, o do Moby. Os sentados, Mariucha de José Antonio, Lito o do Moby Dick, Sandra (unha prima arxentina) e, por último, a irmá de Tita. Desta maneira pasamos o día na "outra banda".


envíanos información da foto

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).