Coloabora coas túas fotos

Podes colaborar con Memoria de Sada achegándonos as túas fotos. Envíanolas ao correo electrónico contacto@memoriadesada.com.

As fotos seguirán sendo túas, nós só as utilizaremos para poñelas aquí, en Memoria de Sada. É posible que volvamos a facer unha exposición dunha selección das fotos que temos, neste caso pode que imprimamos a túa foto para ser exposta. A exposición será sen ánimo de lucro e só coa finalidade de que a xente que non ten oportunidade de ver as fotos en internet as poida ver. Xa fixemos unha exposición en agosto de 2013, outra en agosto de 2014 e outra en setembro de 2015, podes ver algunha foto das exposicións pinchando nas datas.

É importante que as fotos teñan unha resolución aceptable; podes tomar como referencia 1200 x 800 píxels ou superior. Tamén é de agradecer que xunto coas fotos aportes información sobre a mesma: ano no que foi feita, lugar, nome das persoas que saen na foto, nome da romería ou evento no que foi feita, fonte ou fotógrafo que fixo a foto..., calquera dato será benvido.

Se tes calquera dúbida ou problema para enviarnos as fotos ou escanealas ponte en contacto con nós e tentaremos axudarche.

Se coñeces alguén que teña fotos tamén agradecemos que lle comuniques que pode colaborar. Memoria de Sada facémolo entre todos/as.

Memoria de Sada contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).