Preguntas frecuentes

Leer en español

Podo utilizar as fotos da páxina para outros proxectos?

Non. As fotos de Memoria de Sada só se poden ver aquí, nesta páxina. Non se poden utilizar noutras páxinas, nin libros, nin periódicos, nin outros proxectos en xeral. Non se pode porque as fotos non son nosas, son dos veciños e veciñas de Sada e nós non podemos tomar decisións por eles/as.

Pero as fotos están na vosa páxina, se non son vosas, de quen son?

Non sabemos quen é o dono/a orixinal de cada foto porque foron moitas as persoas que nolas cederon, ás veces a través de amigos de amigos ou coñecidos. Cando nolas cederon foi só coa idea de poñelas nesta páxina ou nalgunha das exposicións que organizamos estes anos. Non documentamos a orixe de cada foto. Por todo o anterior e porque non podemos traizoar a confianza que depositaron en nós, non podemos ceder fotos que non son nosas. Gústanos que as vexas nesta páxina e aquí seguirán, pero sentímolo, non as podemos ceder para outros proxectos.

Estou moi interesado/a en utilizar unha foto para poñer noutro proxecto. Como podo pedir permiso para utilizala?

Sentímolo pero non podemos axudarche. Como xa dixemos, non temos un rexistro de quen nos cedeu cada foto, nunca foi a nosa idea facelo, polo que non sabemos quen é o dono/a orixinal, e polo tanto non te podemos poñer en contacto con el/ela. Recollemos fotos para recordar como foi a nosa vila, nunca pretendemos facer unha labor de documentación.

Podo utilizar os textos ou información da páxina noutros proxectos?

Si. Os textos son nosos, escribímolos ou recompilámolos nós e se che son de utilidade podes utilizalos, o único que pedimos é que se faga mención á súa orixe. Nesta páxina podes atopar os termos legais da licenza: «Atribución 4.0 Internacional de Creative Commons».

Memoria de Sada contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).