Memoria de Sada Arquivo fotográfico de Sada

II exposición Memoria de Sada

Do 2 ao 30 de agosto (ambos incluídos) estarán expostas na Capela de San Roque (ver mapa) unha selección de preto de 400 fotografías do arquivo fotográfico Memoria de Sada. Pódese visitar de balde no seguinte horario:

Todos os días (sábados e domingos incluídos):

11:00 a 13:00 e 18:00 a 21:00

Inauguración

A inauguración será o venres, 1 de agosto ás 20:00 horas na Capela de San Roque. O acceso é de balde e estará limitado ao aforo da capela.

Con esta exposición convidámosvos a viaxar no tempo, a coñecer o noso pasado, a recordar as vidas dos nosos ancestros, a coñecernos a nós mesmos a través do vivido, dos cambios na nosa vila. Ollar cara atrás para ver o camiño andado axúdanos a coñecernos no presente e amar o que somos. Queremos que esta exposición sexa punto de encontro para todos os que estamos interesados na historia do noso pobo, cremos que coñecer algo é o primeiro paso para amalo.

O camiño de Memoria de Sada é longo, hai xa máis de dous anos que comezamos a recompliar as primeiras fotografías sen coñecer exactamente cara onde andabamos, chegar a esta exposición e compartir conversas diante das fotografías nas paredes da capela é para nós un premio e un recoñecemento ao traballo feito que estamos orgullosas/os de compartir con vós.

Organiza e produce: memoriadesada.com
Colabora: Concello de Sada.

Momentos durante a exposición:

Memoria de Sada contacto@memoriadesada.com
As fotos pertencen aos veciños e veciñas de Sada.
Non se poden utilizar sen o seu permiso.