Paisaxes

Vistas de Sada

envíanos información da foto

A baixamar de Sada

Praia de Sada, 1954

Cando nós tíñamos praia, con esas baixamares onde a area mollada facía unhas ondas menudas e perfectas, (parecían feitas con marcaondas), hundías as mans nelas e sacabas berberechos a feixes, os cales frotabas un con outro e xa os comías así, ao dereito do mar. Aínda sinto aquel sabor a mar limpo! Tamén había moita ameixa, navallas, marolos, ourizos e unhas minchas deliciosas: unha fonte de riqueza que tampouco soubemos conservar e que axudou a moitas familias a levar a vida adiante. E non falemos daquelas algas de mar anchas, e lustrosas, que farían as delicias dos cociñeiros de agora, as cales lle chamamos nestes tempos "leitugas de mar". Pois si, todo iso tiñamos, pero xa non temos. Algo nos queda, a xebra, o fango e a esperanza de algún día recuperar algo do perdido.

Esta vista preciosa e tranquila faime recordar aqueles días cando se dicía: "Hoxe non nos bañamos porque hai que ir andando a Miño para encontrar auga!".

Máis imaxes

Memoria de Sada contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).