Traballo

Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.

envíanos información da foto

Eliseo Pita Collazo, empresario

Dársena da Coruña, 1969

Eliseo Pita naceu en Santa Cruz (Oleiros) e, sendo moi novo, emigrou a Estados Unidos. Despois duns anos, volveu á súa terra e casou con Consuelo García González. Tiveron dous fillos, Eliseo e Chelito, catro netos, e tamén dous visnetos. Eliseo mercou o seu primeiro autocar no ano 1929, para cubrir a ruta desde Oleiros á Coruña. Cando viñeron vivir a Sada no ano1938, comenzaron a facer a ruta Fontán-Coruña, que máis tarde foi ampliada ata o centro de Sada. Como hai un dito que di "un non e de onde nace, senón de onde pace", Eliseo e Consuelo xa quedaron aquí, como dous sadenses máis.

No retrato esta con seu irmán, Manolo Pita, quen para conducir aquel coche tan grande por aquelas carreteras (máis ben corredoiras), tiña que ser condutor de primeira, como na canción. Isto non era New York, pero a Eliseo gustoulle aquel autocar e non o pensou dúas veces.

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).