Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.
A Barrosa, Sada, 1954
Milucho tiña 12 anos cando foi a traballar na fábrica de gaseosas "La Barrosa ". Co seu buzo posto, xa parecía un home antes de tempo. Pero naquel entón, se non querías ir á escola, pois a traballar! Todas as mans facían falta nas casas e, coma el, a maioría dos rapaces que querían ter un peso no peto tiñan que traballar moi duro. A cadela que está con el chamábase Lesli e tivo 26 cans nunha soa camada.