
Nas escolas rurais transcurriu unha parte importante da nosa infancia. Estas fotos amósannos ós nenos e mailos mestres no seu labor de ensinar. Logo, os máis afortunados continuaban a súa formación no instituto ou no seminario.
Sada e seus Contornos, 1931
A escola Sada e seus Contornos foi inaugurada en 1927. Esta promoción debe de ser no ano 30 ou 31. O retrato tróuxoo de New York Fernando Suárez, Camarón, a quen llo mandaron por ser un contribuínte máis a esta escola. Disto xa pasaron moitos anos. A miña homenaxe a todas aquelas persoas por facer algo tan grande para este pobo cando realmente se necesitaba e conseguir que a Cultura aínda siga nas súas aulas, a pesar dos moitos atrancos que lle puxeron. Que os pais de hoxe sigan a loitar por manter o seu colexio vivo é a mellor forma de agradecerllo a toda aquela xente que loitou por acabar aquí e noutros pobos co analfabetismo.
Na foto vese a Don Severino Bouzas Castro cos seus alumnos.
D. Severino veu de Campo Lameiro e foi mestre e tamén director da Escola de Sada y Sus Contornos.
Casou con Dona María del Carmen Posse del Río (filla do médico Don Antonio Posse Nicolich).