Festas e lecer

As festas de agosto, a sardiñada, o baile na Terraza ou o globo era o tempo de esparcemento en Sada. Aquí recóllense todos eses momentos que deixaba o traballo para o lecer: merendas, troula, bailes e outras festas.

envíanos información da foto

Globo

Praza San Roque (hoxe praza de España), 1961

Este globo botábase o día 16 de agosto na praza de San Roque (hoxe praza de España). Era a maior atracción das festas. Ángel Vázquez Varela foi, xunto co seu equipo, o encargado de facer e lanzar o globo durante as festas. Era un traballo moi laborioso. Tiña 23,5 metros de altura e 45 metros de circunferencia. O último ano que se lanzou foi en 1963.

Na foto vese como están hinchando o globo con unha especie de mechero. Á esquerda vese unha persoa coa «barquilla» con fogos de artificio para colocala debaixo cando xa estivera hinchado. Desde o campanario da capela, unha persoa termaba con unha corda do globo mentres se hinchaba. Cando xa estaba hinchado o globo xa quería saír, soltábase a corda para que puidera saír voando.

Máis imaxes

Arquivado en:

globo, Praza de San Roque

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).