Cerimonias

Fotografías de vodas, procesións, desfiles, enterros, o ramo e outros eventos son mostras da importancia que tivo a relixión na vida do noso pobo.

envíanos información da foto

José e Charo

Sada, 1977

Aquel oito de outubro de 1977, coas notas da "Marcha Nupcial" de Mendelssohn, interpretada ao piano polo noso querido veciño Pepe Rodríguez, facían a súa entrada na Igrexa de Sada D'Arriba, José López e Charo Ogando: ían casar! Os noivos, el nacido na rúa República Arxentina e ela En Fontán, os dous de Sada, non tiveron que andar moito para encontrarse e quererse. Os padriños, Pepita Souto e Pepe Ogando, xunto con Manolita Rodríguez e Paco López, nais e pais dos noivos, acompañados dos invitados, viviron un fermoso día.
Corenta e dous anos xuntos, un fillo (José Francisco) e moito amor fican no balance de toda unha vida.
Querida Charo, querémoste recordar sempre feliz, como naquel día. Boa viaxe!

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).