Xente

A través dos retratos coñecemos o noso pasado. As fotografías sempre foron para gardar un momento no recordo, e aquí recóllense esas fotografías un pouco máis persoais dos nosos/as devanceiros/as.

envíanos información da foto

Levaban présa

Sada, 1952

Ían apuradas para bailar na praza de San Roque. Era a festa de agosto e, con ese paso decidido (17 ou 18 anos que tiñan), levaban a vida por diante. Elas son, de esquerda a dereita, Margarita, Tita (ambas da Ponte) e Toñita de Ouces, que viñera á festa a casa da súa prima. Cunha ollada ao fondo da foto, veremos como era a rúa Maior: á dereita, a casa de Soledad e de Maruja da leña; á esquerda, a Casa de Correos e, no fondo, as casas de Pepita da Meldona (mercería), Manuel do Ferreiro (hortelán) e Carmen Barreiro (modista). O meu recordo a estos veciños coñecidos de todos. Hoxe en día, de toda aquela rúa, so aguantan en pé as mozas e a última casa nomeada.

Máis imaxes

Arquivado en: Mulleres collidas do brazo

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).