Traballo

Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.

Manuel Andrade Monzo (Armador)

Manuel Andrade Monzo (Armador)

Sada, 1935

Do matrimonio formado por Manuel Andrade e Paulina Verdía naceron dezaoito fillos. Hoxe só queda un deles. Vivían na rúa República Arxentina e eran os meus avós paternos. Meu avó, xunto con Avelino Cancelo, Juan Villanueva, Agustín López, Román Balbís e Manuel Zapata, formaron unha comisión para pedir o porto pesqueiro para Sada, algo tan necesario naqueles tempos e que daría tanta vida a este pobo e á súa xente. Foron tempos puxantes e difíciles, onde o que quería romper o corpo traballando tiña onde facelo. Xentes do mar recias, traballadoras e nobres (haberia algunha excepción). Vaia o meu homenaxe e respeto por todos e todas, mariñeiros e pescadoras, pois esas mulleres eran as que daban o callo en terra. E a miña admiración total a os que hoxe siguen aguantando de esa vela.

A xente nova traballaba, a que podía estudaba e no porto sempre encontraban maneira de gañar unhas pesetas nas descargas e outros traballos. Aquel porto sempre se vía cheo de movemento, con barcos que chegaban de todos os sitios a vender, con camións, coches, moto-carros indo e vindo e toda aquela xente rebuldeira que lle poñía alma a canto facía. Que foi de todo aquilo? Que queda? Un porto deportivo pantasma! Manuel era coñecido como O'Parrulo. Iso viña de súa nai, que tiña a casa na beira do río do outro lado do lavadoiro (hoxe soterrado debaixo da rúa Bergondo). Alí criaba parrulos e, cando chamaba polos fillos na hora de xantar, dicíalles: vinde meus parruliños! E foi así que lles quedou o nome a el e a seus descendentes. O que foi o seu almacén aínda existe hoxe xusto na entrada da L, no porto, coa mesma estrutura, somentes reformado para vivenda con unha tira de ventás douradas e moi ben conservado. Agora xa non terá aqueles pilóns enormes onde meu pai Pepe (apodado O Inglés) encascaba as redes mentras eu xogaba.


Lina...Neta do parrulo.


envíanos información da foto

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).