Manuel Monzo, atraque nun día con historia

Porto de Sada, 1959

Este retrato do Manuel Monzo, chamado así polo patrón que o mandaba, foi sacado nun dia histórico: era a inauguración da venta de peixe na Lonxa de Sada. Antes dese día, todo se vendia na Coruña. O barco viña cargado con un bo lance de bocarte, nótase na linea de flotación. Estreábase como vendedora do peixe de seu irmán Pepita Monzo e o comprador do peixe foi Matias Pollán pai. Nótase que foi un acontecemento pola xente que miraba. Coido que case todos os que están bordo poden ser da tripulación, fállanme os nomes. O que si sei é que todos a os coñecía por ser de Sada, menos Meirama, primeiro pola esquerda. Empezarei pola única muller da foto: María Antonia da Zoqueira, arriba, na escaleira. No barco, Pepe Mogardes, Ricardo 'Cadito'; abaixo, Mariano, Ricardo Michondo Todo foi unha alegría para o pobo, que hoxe olla cara atrás con tristura. Os barcos de pesca deron paso aos iates e os pantaláns. O que ía ser un nunca visto de ganancias para todo Sada, foron como sempre beneficios para dous ou tres e o que ía ser o mellor porto deportivo de España, quedou nunha gran extensión de estandartes que nin che deixan ver o mar e aquelas promesas quedaron en auga de borralla, nunca mellor dito.