Xente

A través dos retratos coñecemos o noso pasado. As fotografías sempre foron para gardar un momento no recordo, e aquí recóllense esas fotografías un pouco máis persoais dos nosos/as devanceiros/as.

envíanos información da foto

Matrimonio Abad Golán

Tenencia, década de 1900

É o formado por Josefa Golán Ramos e Juan Abad Vila. Ambos eran da Tenencia.

Josefa (1881-1938) era filla de Constantino Golán Blanco e Mª Josefa Ramos Golán, e neta de Benito Golán, Cabo de Mar de Sada.

Juan (1879-1947) era fillo de José Abad Taracido e Francisca Vila Lorenzo.

Deste matrimonio naceron catro fillos: Juan, Enriqueta, Josefa e Amelia.
Juan, que emigrou aos EEUU, casaría con Herminia Couceiro Prado, tendo unha filla, Herminia.
Enriqueta, que tamén pasou gran parte da súa vida nos EEUU, casou con José Blanco Rivas.
Josefa, que viviu sempre en Sada, casou con José Monzo Ríos, con quen tería dous fillos: Vida e José.
Amelia (Melucha), casou con Balbino Vila Pena, residindo nos EEUU e en Madrid, e tiveron dous fillos, José Manuel e Enrique.

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).