Festas e lecer

As festas de agosto, a sardiñada, o baile na Terraza ou o globo era o tempo de esparcemento en Sada. Aquí recóllense todos eses momentos que deixaba o traballo para o lecer: merendas, troula, bailes e outras festas.

Misa no porto

Misa no porto

Sada, 1953

Xosé Andrade (o Inglés) e a súa dona Modesta, que leva da man o neno Domingo Agra, fillo de Marcial e de Maruja, ían camiño da festa do Carme, de paseo polo Martillo.Tamén os acompañan Milín, vestido co seu traxe de comuñón de mariñeiro, e a súa irmá Manolita, fillos ambos de Manola de Consuelito e Emilio. Aínda agora, cando vexo a Domingo, sempre falamos dos bos veciños que tiñamos en Sada d'Area. Mágoa que estes catro xa non estean, pero seguen no noso recordo e no dos demais amigos desa rúa que aínda quedamos.

No fondo da foto, o edificio da Comandancia, libre, sen ese abrazo abafante de edificios que despois lle puxeron arredor para que non se sentira tan só. Fraco favor lle fixeron.

envíanos información da foto

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).