Na festa do Patrón

Igrexa de Santa María, en Sada D'Arriba, 1959

A festa de Samoedo era das últimas romerías do verán e as súas xentes, moi festeiras, celebrábana por todo o alto. Non había casa que non tivera convidados e, onde queira que foras, a xente recibíate cos brazos abertos. A hospitalidade era e segue a ser súa mellor virtude. Este retrato, onde todos son mozos e rapazes do lugar, está feito no atrio da Igrexa de Sada D'Arriba (aínda se poden ver detrás as tumbas de pedra que alí había) despois da misa do patrón de Samoedo, San Xosé. Gracias á boa memoria de Capelo podo poñer o nome polo que era coñecido cada un deles.

Na fila de arriba, de esquerda a dereita: Luis do Ghello, Tonucho de Laura, Casimiro do Maceirento, Tonucho de Riobao, Ricardo e Chucho de Clotilde, Juan da Recha, Juan do Recho, José Luis de Castro, Antonio da Capilla, Manolo O'Naya, Juan de Manolé, Tito de Valado, Pepe de Olegario, Toñito Portela, José Antonio Ramallo, O'Manchado de Meirás e o fillo de Villar Babío. Abaixo, de esquerda a dereita: Manolito da Maja, David do Cochero, Manolo e Paco de Balbina, Ricardo da Maja, Pepe de Pontellos, Paco de Capelo, Paco do Menuco, Manolo de Cotos, Paco de Pontellos e Fernando de Vales.

Uns seguen na emigración, outros xa non están connosco. Para eles o noso recordo e, para os de aquí, as grazas por un retrato tan bonito.