Nieves Barreiro Fernández e os seus irmáns, Manolo e Carmiña

Estudio, 1927

Os pais destes nenos foron xente moi apreciada e coñecida en Sada. Eran Manuel Barreiro e Carmen Fernández, conocidos polos do Ferreiro. Estes eran os seus fillos: Nieves, a maior na foto da dereita, con Manolo, e na outra con Carmiña, a máis pequena. Nieves, viúva e co seu fillo Panchito, emigrou a Arxentina. Volveu varias veces, pero a súa vida xa estaba aló coa familia. Manolo casou con Manola Deus, das de Rita, e foron a Venezuela. Despois duns anos volveron e aquí quedaron. Carmiña, a máis nova, unha modista con moita sona, sempre estivo en Sada. Foron unha familia de moi boa xente e mellores persoas. Hoxe están todos no recordo de quen os coñecemos e nesta Memoria.