No malecón de Sada

Avenida da Mariña, Sada, 1966

Cuba ten fama de ter moitas cousas boas, entre elas a música e o Malecón de La Habana. Con este último podería competir o noso, pola cantidade de fotos que alí se fixieron. Durante moitos anos, e mentres durou, non había ninguén que entrara, vivira ou marchara de Sada que non tivera un retrato neste sitio, testemuño do noso pasado.

Estas mulleres son, de esquerda a dereita: Elena, Pila, Pacucha, Lola, e Modesta. Na fila de amaixo están Lolo, fillo de Elena, Ramón de Lola, Pucha, Olga e seu fillo Beny. No noso recordo, elas. E os nenos, hoxe homes, sentirán aínda todo o seu agarimo.