Traballo
Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.
O barbeiro Meilán
Sempre pensei que oficio de barbeiro, como o de perruqueiro ou carteiro, era para xente especial. En Sada houbo varios e un deles foi Manolo Meilán. A súa barbería estaba na rúa República Arxentina, número 10, nun cuarto alquilado da casa do Parrulo que tiña saída independente á rúa. Para entrar só había que abrir aquelas dúas portas verdes (naquel tempo todas as casas eran brancas con portas e ventás verdes ou granates. As menos eran azuis).
Como se pode ver nas fotos, todo estaba moi ben colocado e Meilán, aquel home tan educado e amable, sempre cun sorriso na cara, está a atender os seus clientes da Ponte. Na foto da esquerda, Meilán posa con Paco de Lober, Costolla e Fernando do Soulo. Na imaxe superior da dereita están Lázaro, Pepe 'o Moreno', un home case invisible, Meilán, Andrés de Soledad e Román. Na foto da parte inferior dereita Meilán afeita ao Moreno en compañía de Jaime, fillo do Morrosco.
Máis imaxes
