Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.
Frente a Barrosa, 1961
Maruja de Monzo e Pepita Montero eran boas amigas. Estaban a traballar no almacén de Piñeiro e, nun momento de descanso, retratáronse no Malecón. Maruja está de madreñas, que xunto coas zocas era o calzado máis usado. Poñíanse con checos cortos no verán e con medias de la altas no inverno, para este e outros traballos en que había humidade, como nos almacéns ou no porto. Pepita emigrou posteriormente a Arxentina, cos seus filos Montero e Lupita. O noso recordo para elas as dúas e para tantos galegos sadenses que quedaron alá. A outros temos a sorte de volver velos por Sada, como o fillo de Pepita e outros.