Fotografías de vodas, procesións, desfiles, enterros, o ramo e outros eventos son mostras da importancia que tivo a relixión na vida do noso pobo.
Aquel día o gran retratista que fixo esta foto no cruceiro de Sada D'Arriba demostrou o seu bo facer poñendo a toda a familia, con tanta xente e tan colocada, arredor dos noivos. Eles, tan noviños (tiñan 17 e19 anos), estaban felices. Non se podía pedir máis á vida. Tiveron a Tonecho e Pila, emigraron, como moitos, e fixeron o seu mundo fóra. Nunha fatal viaxe de ida e volta a Sada, desde Suíza, a vida encargouse de quitarlles todo canto lles dera.
Onde queira que estean, os que os coñecimos sempre os lembraremos.