Traballo
Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.
Praza na pista do Moderno
Cando quitaron a venda de produtos da praza de San Roque, as praceiras houberon de ser recolocadas. Daquela habilitaron a pista do Salón Moderno e, por un tempo, foi plaza.Hoxe a que hai está instalada na Praciña do Conde.
As vendedoras que están no seus postos son Esperanza de Consuelito Moreno, Modesta a dona do Ingles e, no fondo, cunha pescada na man, a simpática Carmen Navarro Gómez, dona de Manolo Presas,a verdade era que esta muller tiña a gracia por ferrados.
A carón de Carmen Navarro vemos o seu fillo Manolo, que xa de neno, cando podía ou o deixaban, acompañaba a súa nai ao peirao da Coruña para mercar o peixe e logo á praza de abastos de Sada para axudala na súa venda. Tamén lle gustaba ir pescar co seu pai, xa se lle vía o xeito, e a súa paixón polo mar levouno ao que hoxe é: un patrón de pesca e un grande pescador.
Se alguén coñece algunha outra pesoa da foto e quere compartir o seu nome, pode mandar a información. Estareille moi agradecida.
Máis imaxes
