Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.
Porto de Sada, 1972
Cando se avariaba a rede dun barco, ao outro día tocaba repasala: cada buraquiño que se atopaba mirando centímetro a centímetro, por máis brazas que tivera a rede, era cosido a man. Aínda non se inventou unha máquina que cosa as redes e poida así suplir as mans expertas dun mariñeiro ou dunha boa redeira. Aquí Manolo Monzo pai está a repasar a súa rede con axuda de Rogelio da Pepulita que andaba no seu barco, o Monzo.