Traballo

Pasamos unha boa parte da vida traballando. A pesca foi a actividade máis destacada no noso pobo, pero tamén se recollen aquí fotografías das telleiras e outras labores.

envíanos información da foto

Retrato do agro: a malla, en xullo

Sada D'Area, 1952

Total, só hai 64 anos desta escena da malla! Era nunha rúa da Ponte, quen o diria! Maiores e nenos xuntábanse para botar unha man: os primeiros, para traballar e os outros, máis ben para enredar. A malladora viña de Osedo e era do Vinculeiro. Tiña o seu día e hora para que estivera todo preparado, pois estaba moi solicitada. De esquerda a dereita da foto vemos ao Vinculeiro, a Toñita Franco do Allo, a Paco de Lopes, a Pepita, a súa muller, sempre sorrindo, a Marcial da Braña, a Ángel Roca O'Cuco (o apodo víñalle da súa dona apodada A'Cuca), a Melucha do Allo, e Rogelio do Garrido, que era o artífice do palleiro. Hai outra xente que non coñecemos. O neno recortado da esquerda é Tony, fillo de Pepe Díaz e Lola Cortes. Un recordo nesta Memoria para os que se foron e o cariño para os que aínda están.

Máis imaxes

contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).