Sardiñada de 1965

Sada, O Curruncho, 1965

O Curruncho, como o seu nome indica, era a esquina máis bonita da praia de Sada (era, porque xa non o é). Tiña un ribazo no cal nacía un manancial de auga cristalina e riquísima que brotaba da roca do seu interior. A xente que ía á praia bebíaa e medio Sada levábaa para a súa casa. Un día, o cemento apoderouse dese rincón e acabouse para sempre o bonito e paradisíaco Curruncho.

Estas amigas retratáronse cando todo era como debera ser hoxe. Elas son, de esquerda a dereita: Eva, Lina, Silda, Mari Carmen e Mari Ángel. Aquel foi un boísimo día das festas de agosto, cunha magnífica sardiñada.