Xente
A través dos retratos coñecemos o noso pasado. As fotografías sempre foron para gardar un momento no recordo, e aquí recóllense esas fotografías un pouco máis persoais dos nosos/as devanceiros/as.
Vindo da romaría dos Remedios de Betanzos
San Cidre, 1951
A Virxe dos Remedios, unha santa, disque moi milagreira. Íase de Sada e de toda a bisbarra no coche de Don Elías, ateigado abaixo e arriba, incluso no teito. Despois de oír misa na cal todo o mundo estaba "ofrecido", tivera mal ou non, víñase á volta e parábase en San Cidre onde se comía, merendaba e bailaba na horta do Moreno ata que volvía cada un para a súa casa.
Máis imaxes
