Xeo Villar Casal e Mariflor López Gómez

Igresa Sada D'arriba, 1956

Hay un dito que afirma: o que esté para ti, non cho quita ninguén. Iso pasoulle a Xeo. Nacido en Ferrol, despois viviu en Ares, todo isto moi novo, e máis tarde en Sada. Chegoulle o tempo da mili e alá o mandaron para Cádiz, onde ían os que non tiñan padriño (se non, quedaban na Coruña). Estando aló, un día un amigo amosoulle un retrato dunha pandilla de amigos, entre os que estaba Mariflor. Preguntoulle quen era e contestoulle: Pero se a tes de veciña en Sada!... E ata hoxe, esta feliz historia continúa! Xeo e Mariflor casaron o 22 de decembro de 1956. No retrato están con seus padriños, José Gómez e Ángela García. Tiveron tres fillos: José, Manuel e María José, e dous netos, José e María José. Con 60 anos casados, xa celebraron todas as vodas, bronce, plata, ouro, e agora van a polas próximas! Isto cóntamo Xeo, que segue vivindo en Fontán coa súa dona.