Agradecementos

Memoria de Sada non sería posible sen a colaboración de todos e todas as sadenses que cederon as súas fotos. Moitas gracias a todos e todas. É case imposible agradecer de xeito individual a cada persoa que cedeu fotos, sodes moitos/as e ás veces a fonte orixinal de onde saiu a foto perdeuse por pasar dunhas persoas a outras. 

Se algunha foto que está en Memoria de Sada ten erros ou hai algún problema con ela, queremos pedir desculpas de antemán e agradecemos que te poñas en contacto con nós para facérnolo saber e arranxar os erros ou retirar a foto se así fora necesario.

Agradecemento aos fotógrafos sadenses

Queremos destacar os fotógrafos sadenses que ao longo do último século reflexaron coas súas cámaras a evolución de Sada. Eles son os responsables de boa parte das fotografías de Memoria de Sada. Os fotógrafos dos que temos coñecemento son os seguintes: José Guillén (Bilí Bilí), Francisco Varela Posse, Sandalio, Paquín, Alejandro Rodríguez, Moneró, Pibe, Fotarte, Foto Blanco e Foto Bergantiños. Gracias a todos eles.

Agradecemento técnico

O software que fai que Memoria de Sada funcione foi desenvolvido pola empresa A Navalla Suiza, está baseado en outro proxecto anterior como é Riotorto no tempo. Queremos agradecerlle á Navalla Suiza o seu código e á Asociación Arrincadeira a idea orixinal de Riotorto no tempo.

Memoria de Sada contacto@memoriadesada.com
As fotos pertencen aos veciños e veciñas de Sada.
Non se poden utilizar noutros proxectos (máis información).