Festas e lecer
As festas de agosto, a sardiñada, o baile na Terraza ou o globo era o tempo de esparcemento en Sada. Aquí recóllense todos eses momentos que deixaba o traballo para o lecer: merendas, troula, bailes e outras festas.
Bar Centro
Sada, 1955
O Bar Centro estaba onde hoxe está a tenda de Luisa, facendo esquina coa rúa do Rincón e a rúa Alcalde Fernández Pita. O seu primeiro dono foi Antonio do Allo e tiña unha cociñeira chamada Josefa (Chefa). Ela e a súa irmá colleron o traspaso e seguiron traballando co nome moi coñecido do Bar das Cheas, que despois trasladarían á rúa Maior.
Estes amigos xuntáronse para despedir o ano vello cunha cea, para máis tarde ir a bailar: son costumes que a pesar dos anos seguen igual. Eles son, comezando pola esquerda, Lorenzo, Tucho, Luis, Paco, Carnoedo e, diante, Blas (no recordo) e Felipe.
Máis imaxes
