As festas de agosto, a sardiñada, o baile na Terraza ou o globo era o tempo de esparcemento en Sada. Aquí recóllense todos eses momentos que deixaba o traballo para o lecer: merendas, troula, bailes e outras festas.
Cantón na Coruña, 1954
Antes, cando ía á Coruña, a xente poñía as súas mellores galas. De aí ven o dito "de Chicho polo Cantón" e nunca mellor dito, pois neste retrato unha moi nova Rosa e a nena Mariucha Campos van de paseo polo Cantón Grande da Coruña. Elas eran fillas de José Antonio e Marujita, do Bar Inferniño, moi popular en Sada. Rosa segue no noso corazón e Mariucha revivirá ese paseo.