Xente
A través dos retratos coñecemos o noso pasado. As fotografías sempre foron para gardar un momento no recordo, e aquí recóllense esas fotografías un pouco máis persoais dos nosos/as devanceiros/as.
Familia Domínguez Guitián
Trátase da familia Domínguez Guitián, de Soñeiro. A foto foi tomada nos anos 20. No centro, sentados, están Antonio Domínguez Fariña e a súa muller Rosario Guitián Seoane, a unha idade xa moi avanzada. Antonio Domínguez, acaudalado propietario natural de Mandín (Soñeiro), foi un dos principais protagonistas da política municipal na Restauración. Alcalde de Sada en varias ocasións, era o principal dirixente do Partido Liberal. Rosario Guitián era filla de Bernardo Guitián, con casa en Alborelle (Soñeiro), quen tamén foi concelleiro durante o reinado de Isabel II. Sentado 2º pola esquerda vemos a un dos fillos de Antonio e Rosario, Andrés Domínguez Guitián, que estudou Dereito e exerceu como notario en Santiago e en Madrid, onde faleceu. Outro fillo do matrimonio, Manuel Domínguez Guitián, tamén sería alcalde de Sada en dous períodos (1916-1917 e 1920-1922). A súa filla, Rosario Domínguez Colmelo, casaría co médio Manuel Roo Ben, quen tamén sería alcalde a partires do ano 1940.
A casa dos Domínguez, en Mandín, foi demolida hai poucos anos.
O texto envíao Manuel Pérez, a foto enviáronlla escaneada desde Madrid.
Máis imaxes
