Veciños de Sada d'Area

Sada d'Area, Sada, 1956

"Cambia, todo cambia", dicía unha preciosa canción de Mercedes Sosa. En tan só 57 anos, mirando este retrato, todo cambiou. Tanto que mesmo os que quedamos (incluíndo a rúa, que foi a moito peor), non nos recoñecemos. Pero a memoria garda ese día feliz, desde o cal esas caras nos sorrín e case é como se estiveras alí de novo con todos eles. Era Agosto, na festa, e dúas familias, os Andrade e os López, reuniran os seus convidados...
Por arriba, de esquerda a dereita, están Felicia Naya "do Allo", Marcial Agra, Olga Súarez de "Camarón", Guillermo López "o Caracol", Mercedes e Modesta Pena "de Modesto" e Eloy Suárez de "Camarón". No medio, están a Sra. Tona de López, a súa filla Maruja co seu neno Domingo no colo e, no outro extremo, Manolo Naya "do Allo", de Ouces.
Abaixo están Beni, Fernando, Javier, Pepe "o Inglés", con Eloicito diante (hoxe xa Eloy), Paz, Julia López e Lina. O portal era o de Manuel do Ferreiro e esas columnas blancas eran dun pozo de auga para o regadío daquela fermosa horta, con toda clase de legumes. Hoxe en día este pozo está soterrado debaixo do edificio do mesmo nome. As casas que se ven son, a máis alta, a dos Pérez, a de Maruja Fariña e a da Sra. Carmen do Carreiro (así era coñecida Carmen Prado).