Viñan de Ouces, do San Xoán

Praza de San Roque, Sada, 1957

Juan Fandiño era de Ouces. Como estaban de festa, invitou o seu amigo Luis Lino a comer na sua casa. Por máis que houvera parranda, á tardiña había que ir para o mar e aí van os dous, felices pola praza de San Roque, camiño do porto a coller o barco. Luis recorda o que foi seu amigo con moito agarimo e tamén que, co que gañaron aquel día, acabou de xuntar o diñeiro que lle faltaba para comprar un traxe. Antes a xente xuntaba peseta a peseta para mercar as cousas, unha boa medida que tamén serviría para hoxe!

No fondo do retrato pode verse a casa onde agora está a Óptica Muiños e, a carón dela, o bar onde calquera pode ser millonario nun segundo. Estas casas remozadas casi igual que as que había. Na esquerda, a casa que ten os toneles diante é hoxe Calzados Gabriel, seguida pola casa da Perla (que hoxe é de Maise e que se conserva igual), a da Perrincha e o bar Manolo.