Fotografías de vodas, procesións, desfiles, enterros, o ramo e outros eventos son mostras da importancia que tivo a relixión na vida do noso pobo.
Igrexa de Santa María, en Sada D'Arriba, data descoñecida
Pepe Meirama e Mucha Monzo casaron en Santa María de Sada D'Arriba. Os padriños eran seu irmán Manolo e a súa muller Maruja. Como se pode ver, estaban moi elegantes eles, guapas e ben vestidas elas: as dúas de media mantilla (como se levaba naquel tempo), traxe de chaqueta a madriña e a noiva con vestido enteiro e abrigo de capa, todo en gris, con ramo de caraveis brancos. Como todas as noivas, estaba preciosa. Este día sempre se recorda con cariño.