Precioso retrato

Esquina da rúa da Lagoa con Sada D´Area, 1954

Unha persoa que viña co carro cheo de louza parou a tomar un trago no Inferniño, que estaba en fronte. Paco de Lopes quedou agardando cos dous carros, pois viñan da leira e do prado, pero non contaba coa axuda desta nena, que non che lle tiña medo a nada, pois foi a primeira en levar o carro, andar en moto, en bicicleta e mesmo montar no cabalo do capador de Mera. A verdade é que foi sempre moi valente. A nena é Mariucha de José Antonio, hoxe en día Mary, para os amigos. Paco, o terceiro dos irmáns dos Lopes, tamén foi labrador e mariñeiro.