Xuntanza en Samoedo

Samoedo, Sada, 1957

Moitos non, mais outros si saberán que hai Samoedo de arriba e de abaixo. Nesta xuntanza de veciños no Campo da Festa de abaixo hai xente dos dous sitios.

Eles son, comezando por arriba e á esquerda, os irmáns Lelo e Chuco, Manolo de Fandiño, Martel, Paco Fariña e Juan do Jarelo. A soas, no medio e de pé, está Tita de Fandiño. Sentadas detrás e no mesmo sentido, vese un anaquiño de Anita de Jaime, unha descoñecida que se asoma, Pepita e Milagros de Fandiño, Chelo da Maja e Juan fillo. Na fila do medio están Manolita da Maja e Manolita de Fandiño e as tres de diante son Manolita de Brañas, Mari Ángeles de Nogueira e Mari Luz, das do Maceirento.